您的位置: 主页 > 模型精彩 >《06韩国秋叶行》03 >

《06韩国秋叶行》03


2020-05-27


《06’韩国秋叶行》03 – 去明洞食晚餐

我们放下行李,整理行装之后,就準备出发去明洞食晚饭啦!
但呢个时候,阿W生竟然要食一个杯面先,真係比佢激死呀!


 

之后再去到东大门运动场地铁站内买一张 T-money 电子储值卡 (可乘搭全线地铁,以及各线巴士),
储值18000w,按金2500w!(兑换率为 1000w = 8.2 hkd) 搅完一轮就去明洞啦!

由东大门运动场站 去 明洞 需要搭 第4线(浅蓝色线) 于 424号明洞站 下车!
(T-Money需扣 800w、正常买票需900w)

之后我地去了 明洞饺子 食晚饭!(係韩国的食店有一个不成文的规则,如果你几多人入去,就要叫几多样野食,唔可以叫少一样,但可以叫多,所以亦导致我地以后好多都係叫返酒店开餐!)
原因係佢地唔兴share野食,兴一人一份,所以我地都几惨!

明洞饺子 係本本旅游指南书都有介绍,咁应该都唔错啦!(仲有就係旅游书上写左价钱,佢係可以接受的!)所以我地就根据地图搵到呢间野啦!
入到去真係好多人啰!好彩我地都有位~~

介绍一下我地叫左d乜先!(由于我地5个人,所以要叫5样野!)
呢间店有个特色,就係叫完要立即畀钱ga!绝对唔係食完先结帐!(怪怪的~~)
下图:两笼明洞饺子、两碗云吞面、再加一个超辣泡菜面!
每人都係6000w(约50hkd),总数係30000w,抵呀!
《06韩国秋叶行》03

其实我地係食唔哂ga!原因係今日大家成日都係坐飞机坐车,都冇乜胃口!
加上我由于唔够训兼早餐饮左咖啡,又引发左我既”肠胃焦虑症”,成日都胃痛,有时都几辛苦下!所以更多冇胃口啦!仲有果个W生之前食左杯面,点会食得落先得ga!

而且我地5个人当中,4个人都唔食得辣,咁叫左果个超辣泡菜面点算?当然就係C小姐负责啦~~因为得佢一个食辣,而我就一定唔可以食,如果唔係明天都唔驶继续行程啦!佢地几个就唯有将食完既云吞汤来过冷河,将d辣过走,再帮忙食!(旁边d韩国人就已经觉得我地好怪啰!)

大家唔知有冇留意,佢果d笼係胶造的,同我地中国式的竹笼唔同ga!

食完野之后,我开始好返少少,不竟我已经係酒店食左胃药,已经好左好多!
当然,现在都係8点几,我地梗係行下街先ga啦!

明洞最出名,最多人就係呢三、四条购物街啦!你看看,什幺牌子都有,有d似澳门的喷水池,及香港既铜锣湾啰!(又多人又多街铺)
《06韩国秋叶行》03

我地期间都入左唔少铺头,需要佢地都着左唔少衫!(识我既人都知我係热血青年,唔怕冻!所以我都係1件短底,1件薄衫,再加1件褛就死出去ga啦!) 除左我,团中仲有个铁人,都係唔多怕冻,佢就係同我同房既W生啦!其他人就梗係羽绒、毛毛、围巾都出齐ga啦!
《06韩国秋叶行》03

当时虽然都几冻!(因为早上落过雨,晚上9点左右的气温只有-3至-1度左右,但其实间间shop都有暖气,有时仲热到我呼吸唔到,因为真係太热啦!) 但我地就继续行一行,不竟我地几日都会来这里找食呀!所以熟习一下有d乜野买都好丫嘛!
《06韩国秋叶行》03

大家都可以比较累啦!行到10点左右已经开始想走,返酒店休息!
加上越来越冻,所以大家都同意!
《06韩国秋叶行》03

这几张都係o係明洞果几条街影ga!好多时都係我係门口等既时候影既!
《06韩国秋叶行》03

第一天大家都冇收获!好啦!我地回酒店啦~~day2见!
回程与来明洞一样,都係搭4号(浅蓝色线) 回 422号东大门运动场!(都係T-money 800w)

大家虽留意!有些站会有2个或以上号码,原因係该站有不同线路,即为转乘站,所以有不同的no.
如东大门运动场站,有3条线,属于大站来的。它分别有422号(浅蓝色4线)、205号(绿色2号线)、536号(紫色5号线)。
所以你要搭去边,先睇颜色,再搵站no.,easy好多啦!(仲有就係全线地铁都有中文,大家唔驶惊!)

(待续:南山韩屋村)
[如想睇原图及详细资料 / 更多相片,请到相簿 06韩国秋叶行]
编/摄:阿乃



上一篇:
下一篇: